Wayne Rooney, fyrrum leikmaður Manchester United, hefur hrósað fyrrum stjóra liðsins, Louis van Gaal.
Van Gaal tók við United af David Moyes á sínum tíma en entist aðeins tvö ár í starfi áður en hann var rekinn.
Hollendingurinn var þó betri á einu sviði en hinn goðsagnarkenndi Sir Alex Ferguson sem Rooney vann einnig lengi með á Old Trafford.
,,Van Gaal var sá besti sem ég hef unnið með þegar kom að taktík. Hvernig þú stilltir upp varnarlega og allir vissu sitt hlutverk,“ sagði Rooney.
,,Þetta snerist um að fullkomna sóknarplanið sem og varnarplanið. Hann vann nokkra titla en þetta gekk ekki eins og allir vonuðust eftir.“
