Paul Pogba, miðjumaður Manchester United, kom sér í fréttirnar á dögunum eftir ummæli sem hann lét falla.
Pogba sagði að það væri draumur fyrir alla leikmenn að spila fyrir stórlið Real Madrid á Spáni.
Frakkinn hefur fengið gagnrýni fyrir þessi ummæli en Dimitar Berbatov, fyrrum leikmaður United, hefur ekki áhyggjur.
,,Pogba er aldrei langt frá fyrirsögnunum en ég hef ekki of miklar áhyggjur af þessum ummælum,“ sagði Berbatov.
,,Ég studdi mörg önnur lið er ég lék með United því ég er knattspyrnuaðdáandi. Ég var hrifinn af liðum eins og Real, Bayern Munchen og Juventus.“
,,Ég held að þetta sé ekkert til að hafa áhyggjur af. Við lifum í heimi þar sem þú mátt segja það sem þú vilt. Ég held að þetta sé tekið úr samhengi.“
,,Paul verður leikmaður United í langan tíma, svo lengi sem hann og félagið vilja starfa saman.“