Það voru aldrei nein vandamál á milli Gareth Bale og Cristiano Ronaldo er þeir voru saman á mála hjá Real Madrid.

Þetta segir Bale sjálfur en það var oft talað um vandamál þeirra á milli áður en Ronaldo samdi við Juventus á Ítalíu.

Ronaldo er einn allra besti leikmaður í sögu Real og naut Bale þess að spila með honum á vellinum.

,,Cristiano er ótrúlegur leikmaður. Ég naut þess mikið að spila með honum,“ sagði Bale við BT Sport.

,,Augljóslega þá reyna fjölmiðlar að búa til þessi vandamál sem voru aldrei til staðar. Við náðum mjög vel saman.“

,,Hann er ótrúlegur leikmaður og það sem hann gerði fyrir liðið með mörkunum sem hann skoraði. Hann er ótrúlegur leikmaður sem er enn að í dag.“