Jonathan Walters, fyrrum leikmaður Stoke City, hefur ákveðið að leggja skóna á hilluna.
Walters hefur verið meiddur síðan í september á síðasta ári en hann er að glíma við meiðsli í hásin.
Walters er 35 ára gamall í dag en hann hefur verið í láni hjá Ipswich Town í næst efstu deild.
Walters er þekktastur fyrir tíma sinn hjá Stoke þar sem hann skoraði 43 mörk í 226 leikjum frá 2010 til 2017.
Hann gekk í raðir Burnley árið 2017 en spilaði aðeins þrjá leiki áður en hann samdi við Ipswich á síðasta ári á láni.
Walters er einnig fyrrum landsliðsmaður Írlands og skoraði 14 mörk í 54 landsleikjum á átta árum.
