Hörður Snævar Jónsson skrifar frá Andorra:
,,Þetta er góður kall, ég ákvað að svara bara gríninu,“ sagði Viðar Örn Kjartansson, framherji Ísland eftir sigurinn á Andorra í kvöld.
Fagn Viðar vakti athygli en þar bað hann Kjartan Henry Finnbogason um að loka á sér munninum, Kjartan hafði í vikunni skotið á það að Viðar væri aftur mættur í landsliðið. Viðar hafði hætt en Erik Hamren kallaði hann inn aftur.
Viðar svaraði með því að biðja Kjartan um að loka sínum munni, grín í hæsta gæðaflokki.
,,Það er búið að vera grín í vikunni, ég tók bara þennan sama kall til baka. Þetta er bara gert í gríni.“
,,Það er bara smá grín, ég Kjartan höfum alltaf verið vinir. Það er búið að vera eitthvað grín í gangi, ég hef haft gaman af því.
Viðar var að skora sitt fyrsta mark í keppnisleik og það var af dýrari gerð.
,,Þetta hefur verið stöngin út í landsliðinu, fyrsta markið í keppnisleik. Það var ljúft að sjá hann í netinu, ég vissi það um leið og ég hitti hann að þetta væri inni.“
,,Það er gott að fá traust frá Hamren og vita að ég fæ tækifæri, þetta er bara eitthvað til að byggja ofan á.“
