Paul Pogba, leikmaður Manchester United, hefur útskýrt af hverju Jose Mourinho var rekinn frá félaginu.
Mourinho var látinn fara frá United í desember og tók Ole Gunnar Solskjær við. Gengi liðsins hefur batnað síðan þá.
Pogba segir að ástæðan sé einföld en úrslitin undir stjórn Mourinho voru einfaldlega ekki nógu góð.
,,Hvað var vandamálið? Við vorum ekki að vinna leiki,“ sagði Pogba í samtali við blaðamenn.
,,Það er ástæðan fyrir því að þeir ákváðu að breyta til. Úrslitin eru það sem skiptir mestu máli.“
,,Ef við hefðum verið að vinna leikina þá hefði hann verið áfram. Svo einfalt er það.“