Mateo Kovacic, leikmaður Chelsea, er opinn fyrir því að semja við annað félag í ensku úrvalsdeildinni.
Marca greinir frá þessu í dag en Kovacic er samningsbundinn Chelsea út þessa leiktíð.
Króatinn er í láni hjá Chelsea frá Real Madrid og var talað um að hann gæti samið endanlega við liðið í sumar.
Óvíst er hins vegar hvort Kovacic geti skrifað undir á Stamford Bridge en Chelsea er í félagaskiptabanni þessa stundina.
Það verður að koma í ljós hvort bannið muni standa í sumar og hvort Kovacic þurfi að finna sér nýtt félag en hann virðist ekki eiga framtíð hjá Real.
Samkvæmt Marca vill Kovacic spila áfram á Englandi og er til í að semja við annað félag þar í landi ef áhuginn er til staðar.