Renato Sanches, leikmaður Bayern Munchen, er ekki ánægður hjá félaginu og vill komast annað.
Sanches er 21 árs gamall miðjumaður en hann var keyptur til Bayern eftir EM árið 2016.
Þar hefur lítið gengið upp og var Sanches á meðal annars lánaður til Swansea þar sem hann stóð ekki undir væntingum.
Sanches fær lítið að spila hjá Bayern þessa dagana og mun líklega leita annað í sumarglugganum.
,,Ég er ekki ánægður hérna. Ég legg mig fram en ég fæ ekkert að spila,“ sagði Sanches.
,,Ég vil fá að spila meira, kannski hjá öðru félagi. Það er eitthvað sem ég hef áhyggjur af.“