Hörður Snævar Jónsson skrifar frá Andorra:
Íslenska landsliðið er mætt til Andorra og nú er að ganga í garð síðasti sólarhringurinn, fyrir leikinn mikilvæga gegn heimamönnum á morgun. Undankeppni EM, hefst á morgun.
Íslenska liðið mætti til Spánar á mánudag, dvaldi í Peralada í Katalóníu og æfði þar í þrígang. Liðið fór í svo þriggja klukkutíma rútuferð til Andorra. Liðið æfir á keppnisvellinum síðar í dag.
Leikurinn fer fram á, Estadi Nacional þjóðarleikvanginum í Andorra. Völlurinn er einn sá minnsti sem landsliðið hefur leikið á.
Alfreð Finnbogason, framherji Augsburg er að stíga upp úr meiðslum og nú er ljóst að hann mun ekki klára 90 mínútur í leiknum á morgun.
„Þegar við töluðum við hann gerðum við honum grein fyrir því að staðan á Birni væri 50/50 og hann þyrfti að vera undirbúinn fyrir það að spila mögulega á föstudaginn. Sú staða er komin upp því Alfreð er ekki að fara að spila 90 mínútur á föstudaginn,“ segir Freyr Alexandersson, aðstoðarþjálfari landsliðsins við RÚV.