Antoine Griezmann, leikmaður Atletico Madrid, er sterklega orðaður við brottför þessa dagana.
Griezmann skrifaði undir nýjan samning síðasta sumar en Barcelona hafði áður sýnt honum mikinn áhuga.
Nú er talað um að Griezmann sjái eftir þeirri ákvörðun eftir að Atletico datt úr leik í Meistaradeild Evrópu.
Systir hans, Maud Griezmann, segir að það sé orðið þreytandi á að lesa sögurnar um bróðir sinn.
,,Það er rétt, Antoine er vonsvikinn með að vera úr leik því eitt af hans markmiðum var að vinna Meistaradeildina með Atletico á þeirra heimavelli,“ sagði Maud.
,,Honum líður eins og liðsfélögunum, þjálfaranum og stuðningsmönnum.“
,,Það er þreytandi að lesa eitthvað nýtt á hverjum degi um hvað bróðir minn er að hugsa og um þá sem telja sig vita hvað hann er að hugsa.“
