Keylor Navas, markvörður Real Madrid, vissi það að hann ætti enga framtíð hjá félaginu undir stjórn Santiago Solari.
Solari var látinn fara fyrr í mánuðinum og er Zinedine Zidane mættur aftur við stjórnvölin í Madrid.
Navas var varamarkvörður Real undir stjórn Solari og fékk Thibaut Courtois að spila flest alla leiki.
Navas var áður fastamaður undir stjórn Zidane en hann hafði enga trú á verkefninu undir Solari.
,,Ég fann fyrir því að sama hvað ég gerði á æfingum, ég var ekki að fara að spila,“ sagði Navas.
,,Ég hef alltaf hagað mér eins og atvinnumaður. Ég fann fyrir hvatningu til að gera hlutina vel því það eru forréttindi að gera það sem ég geri.“