Hörður Snævar Jónsson skrifar frá Peralada á Spáni.

Björn Bergmann Sigurðarson, framherji Rostov og íslenska landsliðsins verður sendur heim úr verkefni íslenska landsliðsins. Ástæðan eru meiðsli.

Viðar Örn Kjartansson var kallaður inn í hópinn í gær en ástæðan eru meiðslin sem Björn glímir við.

Viðar var hættur í landsliðinu en snýr nú aftur eftir kallið frá Erik Hamren.

,,Við hefur verið inn í myndinni áður en við kynntum hópinn fyrir viku, staðan var þannig að hann var að skipta um lið á þeim tíma,“ sagði Freyr Alexandersson, aðstoðarlandsliðsþjálfari um málið í dag.

Björn heldur heim á leið í dag og fer í endurhæfingu hjá Rostov.

,,Svo í ljósi þess að Björn Bergmann hefur verið að glíma við meiðsli, Björn verður ekki leikfær fyrir helgina, hann fer heim í dag. Gott að Viðar sé kominn og geti æft í dag og á morgun.“

Viðtalið við Frey er í heild hér að neðan.