Callum Hudson-Odoi, kantmaður Chelsea var í áfalli í gær þegar hann komst að því að hann hefði verið kallaður inn í enska A-landsliðið.
Hudson-Odoi var á leið til móts við U21 árs liðið þegar tíðindin komu. Gareth Southgate vildi fá hann í aðalliðið.
Hudson-Odoi er 18 ára gamall kantmaður Chelsea en hann vildi ganga í raðir FC Bayern í sumar en fékk það ekki í gegn.
,,Þetta hefur verið sturlaður dagur, að fá þessi skilaboð var magnað,“ sagði Hudson-Odoi.
,,Dagurinn var langur, ég var að ferðast til Bristol til að hitta U21 árs landsliðið en fékk þá skilaboð að fara til móts við A-landsliðið. Þetta er frábær reynsla en ég var mjög hissa.“
,,Ég hélt að þjálfari U21 árs liðsins væri að grínast, ég var í áfalli. Ég trúði þessu ekki en ég var mjög glaður. Þetta er draumur að rætast.“