Ari Freyr Skúlason er spenntur fyrir verkefni íslenska landsliðsins í undankeppni EM í vikunni.
Ísland hefur ekki unnið leik í mjög langan tíma en spilar við Andorra á föstudag sem er að margra mati skyldusigur.
Ísland spilaði á HM í Rússlandi á síðasta ári en verkefnið fyrir undankeppni EM er skýrt. Liðið ætlar sér á þriðja stórmótið í röð.
,,Þannig lagað var þetta frábært ár með HM en úrslitin voru ekki þau skemmtilegustu,“ sagði Ari.
,,Við erum með leikmenn á toppaldri og eru að standa sig vel með sínum liðum, hungrið er mikið í þessu liði og við viljum fara á þriðja stórmótið í röð.“
,,Persónulega hef ég aldrei spilað við Andorra eða liði frá Andorra svo ég þekki ekki alveg hvernig mentality er í þeim en ef við spilum okkar leik og gerum það sem við erum vanir að gera þá eigum við að taka þrjú stig
,,Fótbolti er fótbolti og maður aldrei hvað gerist en ef taktíkin og hausinn á okkur er í lagi eigum við að taka þrjú stig.“