Það gengur erfiðlega hjá hinum 24 ára gamla Nabil Bentaleb þessa dagana en hann leikur með Schalke.
Bentaleb er fyrrum leikmaður Tottenham en hann var seldur til Schalke fyrir tveimur árum.
Miðjumaðurinn var talinn gríðarlegt efni á sínum tíma og lék 46 deildarleiki með Tottenham.
Honum hefur nú verið hent í varalið Schalke en félagið refsar leikmanninum fyrir agabrot.
Það hefur ekkert gengið hjá Schalke á tímabilinu sem situr í 15. sæti þýsku Bundesligunnar.
Schalke gaf það út að Bentaleb ætti möguleika á að snúa aftur í aðalliðið en hann er einnig að glíma við meiðsli þessa stundina.
Bentaleb er skapstór og reifst reglulega við Mauricio Pochettino, stjóra Tottenham, er hann var á mála hjá félaginu.