Virgil van Dijk, leikmaður Liverpool, viðurkennir að hann hafi gert mistök í leik gegn Fulham í dag.
Liverpool vann 2-1 sigur á Fulham í úrvalsdeildinni en mark Fulham kom eftir vandræði Van Dijk og Alisson Becker í öftustu línu.
Van Dijk ætlaði að skalla knöttinn til baka á Alisson en Ryan Babel komst í sendinguna og skoraði í autt markið.
,,Við unnum leikinn. Mistök gerast í fótboltanum en við höldum áfram,“ sagði Van Dijk.
,,Ég ætla ekki að afsaka þetta. Ég hefði átt að gera betur. Þannig er það bara, þeir skoruðu en við skoruðum aftur og fengum stigin þrjú.“
,,Við unnum leikinn og fórum á topp deildarinnar. Við erum ánægðir.“