Franz Beckenbauer, fyrrum forseti Bayern Munchen, vill sjá félagið ráða Jurgen Klopp til starfa en hann er í dag þjálfari Liverpool.
Beckenbauer gaf það út nýlega að hann vilji sjá Klopp taka við sem hefur náð góðum árangri á Englandi.
Klopp var spurður út í þessi ummæli Beckenbauer í gær en hann er ánægður á Anfield.
,,Frá mínu sjónarhorni þá hentar Liverpool mér mjög vel. Ég elska að vera hér,“ sagði Klopp.
,,Félagið hefur gefið mér tækifæri á að koma af stað virkilega góðu fótboltaliði.“
,,Auðvitað er fullt af fólki sem talar og talar. Ef þú vinnur leik ertu sá besti en ef ekki þá veistu ekkert um fótbolta.“
,,Þannig er heimurinn þarna úti. Hérna inni þá hugsum við ekki út í það því við hugsum ekki eins.“
,,Það sem ég mun segja er að ég er með nógu mikið sjálfstraust til að telja mig vera rétta manninn fyrir þetta félag.“
,,Við sjáum hvernig það verður í framtíðinni. Við þurfum öll að sanna á hverjum degi að við séum á réttum stað. Til þessa hefur þetta virkað fyrir mig – og vonandi virkar það aðeins lengur. Það væri svalt.“