Everton 2-0 Chelsea
1-0 Richarlison(49′)
2-0 Gylfi Þór Sigurðsson(72′)

Lið Chelsea tapaði dýrmætum stigum í ensku úrvalsdeildinni í dag er liðið mætti Everton.

Everton getur verið mjög öflugt á heimavelli og vann góðan 2-0 heimasigur með Gylfa Þór Sigurðsson í byrjunarliðinu.

Staðan var markalaus í fyrri hálfleik en snemma í þeim seinni skoraði Brassinn Richarlison fyrsta mark leiksins fyrir Everton.

Heimamenn fengu svo vítaspyrnu á 72. mínútu er brotið var á Richarlison innan teigs og steig Gylfi Þór Sigurðsson á punktinn.

Kepa Arrizabalaga, markvörður Chelsea, varði spyrnu Gylfa sem náði þó frákastinu og kom boltanum í netið.

Fleiri mörk voru ekki skoruð á Goodison Park og Chelsea ekki í góðum málum í sjötta sæti deildarinnar.