Ole Gunnar Solskjær, stjóri Manchester United, er ekki sammála fyrrum liðsfélaga sínum, Gary Neville sem vinnur í dag fyrir Sky Sports.

Neville gaf það út á dögunum að það væri sniðugt fyrir lið að detta úr einni keppni til að að einbeita sér að stærra verkefni.

United er bæði enn á lífi í Meistaradeild Evrópu og enska bikarnum en liðið mætir Wolves um helgina.

Neville ræddi sérstaklega Liverpool og taldi að það væri gott fyrir liðið að detta úr leik í Meistaradeildinni til að einbeita sér að ensku deildinni.

,,Því fleiri leiki sem þú vinnur því meira sjálfstraust færðu og leikmennirnir verða hungraðari,“ sagði Solskjær.

,,Allir leikir sem þú vinnur, þú byggir ofan á það. Við verðum liðið sem við viljum verða.“

,,Svo ég er ekki sammála Gary Neville sem segir að lið ættu að koma sér úr þessari eða hinni keppni til að einbeita sér að einhverju einu.“