Ole Gunnar Solskjær, stjóri Manchester United, mun stýra liðinu gegn Barcelona í næsta mánuði.
Solskjær og félagar spila í 8-liða úrslitum Meistaradeildarinnar og mæta spænska stórliðinu í tveimur leikjum.
Norðmaðurinn ræddi dráttinn í gær en hann segir að vinir sínir telji að United muni fara alla leið í keppninni.
,,Þetta þurfti að vera Barcelona!“ sagði Solskjær í samtali við vefsíðu félagsins.
,,Ég hef fengið svo mörg skilaboð frá vinum sem segja mér að þetta sé okkar ár og að við komumst áfram því ég var númer 20 og þetta var fyrir 20 árum síðan.“
Solskjær talar auðvitað um sigur United í Meistaradeildinni árið 1999 er hann reyndist hetja liðsins í sigri á Bayern Munchen.
