Stórlið Bayern Munchen frá Þýskalandi á von á refsingu frá UEFA eftir hegðun stuðningsmanna liðsins í leik gegn Liverpool.
Bayern er úr leik í Meistaradeild Evrópu eftir 3-1 tap gegn Liverpool á heimavelli í vikunni.
Stuðningsmenn liðsins mættu með borða á leikinn þar sem þeir mótmæltu myndbandstækninni VAR.
VAR er notað í Meistaradeildinni á þessu tímabili en þar fá dómarar tækifæri á að skoða umdeild atvik og dæma út frá því.
,,Nútíma fótbolti drepur tilfinningarnar. Til fjandans með VAR. Til fjandans með UEFA,“ stóð á borðanum.
Aganefnd UEFA fer nú yfir málið og á Bayern yfir höfði sér refsingu eftir þessi skilaboð stuðningsmanna.