Michael Essien, fyrrum leikmaður Chelsea, hefur samið við nýtt lið, 36 ára gamall.
Þetta var staðfest í dag en Essien hefur verið án félags síðan á síðasta ári er hann yfirgaf Persib Bandung í Indónesíu.
Essien var frábær miðjumaður á sínum tíma og lék 168 deildarleiki fyrir Chelsea á níu árum.
Hann lék svo seinna með Real Madrid og AC Milan áður en hann samdi við Panathinaikos í Tyrklandi.
Talið var að Essien væri búinn að leggja skóna á hilluna en svo er ekki. Hann samdi við Sabail í Aserbaídsjan.
Essien gerði stuttan samning við Sabail sem leikur í efstu deild og hafnaði í sjöunda sæti á síðustu leiktíð.
Former Ghana and Chelsea midfielder Michael Essien has joined Azerbaijan top-tier side Sabail FK.#Offside pic.twitter.com/rYfIR7Rsrb
— Ghetto Radio (@GhettoRadio895) 16 March 2019