Englandsmeistarar Manchester City vonast til þess að Daniele De Rossi, fyrirliði Roma, leggi skóna á hilluna í sumar.
De Rossi hefur lengi verið partur af liði Roma en hann hefur allan sinn feril leikið með félaginu.
Ítalinn fagnar 36 ára afmæli sínu í sumar og er útlit fyrir að hann gæti kallað þetta gott eftir leiktíðina.
De Rossi hefur mikið verið meiddur á tímabilinu og hefur aðeins komið við sögu í 14 deildarleikjum.
Hann verður samningslaus í sumar og eru engar líkur á að miðjumaðurinn semji við annað félag til að spila fyrir.
Samkvæmt fjölmiðlum á Ítalíu vill City ráða De Rossi til starfa og fá hann til að taka yfir akademíu félagsins.
Þessi fyrrum ítalski landsliðsmaður býr yfir mikilli reynslu en hann lék 117 landsleiki fyrir Ítalíu og yfir 600 leiki fyrir Roma.