Það vakti athygli þegar hinn 22 ára gamli Diogo Jota samdi við lið Wolves á Englandi.
Jota var keyptur til Wolves á síðasta ári eftir að hafa spilað með liðinu á láni frá Atletico Madrid tímabilið áður.
Jota er einn allra besti leikmaður Wolves í dag en hann var fenginn til Atletico árið 2016 og var lánaður til Porto sama tímabil.
Þar var Jota mikilvægur hlekkur í liði Porto en fáir skildu af hverju hann vildi færa sig í næst efstu deild Englands.
,,Frændi minn Ricardo reyndi að tala mig til og spurði mig af hverju ég væri að þessu,“ sagði Jota.
,,Það voru margir í Portúgal sem gagnrýndu mig. Þeir sögðu: ‘Þú ert að fara úr liði í Meistaradeildinni til liðs í næst efstu deild í öðru landi, ertu klikkaður?’
,,Ég svaraði því að ég hefði trú á verkefninu og að ef allt myndi ganga upp þá myndu þeir sjá ástæðuna á næsta tímabili. Sem betur fer þá erum við hér nú og allir skilja mig.“