Pep Guardiola, stjóri Manchester City, er gríðarlega ánægður með það að Bernardo Silva hafi krotað undir nýjan samning við félagið.
Silva kom til City frá Monaco árið 2017 og gerði nýjan sex ára samning við félagið á dögunum.
Guardiola talar mjög vel um miðjumanninn og segir hann mikilvægasta leikmann liðsins.
,,Við dæmum okkar leikmenn út frá því hvað þeir gera á vellinum og hann hefur mögulega verið áhrifamesti leikmaðurinn á tímabilinu,“ sagði Guardiola.
,,Ég hef sagt áður hversu frábær náungi hann er og hversu vel okkur líkar við hann vegna hvernig hann hagar sér.“
,,Ég er mjög ánægður og glaður. Þetta er heiður fyrir okkur því hann vill vera hér áfram.“