Arsenal fær erfitt verkefni í Evrópudeildinni í næsta mánuði er liðið spilar við Napoli.
Napoli hefur lengi verið eitt allra besta lið Ítalíu og er það lið sem kemst næst meisturum Juventus.
Það er óvíst hvort besti leikmaður Napoli, Lorenzo Insigne, geti spilað fyrri leik liðanna í 8-liða úrslitum.
Ítalski sóknarmaðurinn er að glíma við meiðsli en hann meiddist í upphitun fyrir leik gegn Red Bull Salzburg á fimmtudag.
Hann verður í allavegana þrjár vikur að jafna sig af vöðvameiðslum og er því ekki víst að hann geti spilað í fyrri leiknum.
Hann er ekki sá eini sem er meiddur en þeir Vlad Chiriches og Amadou Diawara eru einnig frá.