Stuðningsmenn Liverpool eru ansi pirraðir út í einn leikmann liðsins eftir leik við Bayern Munchen í kvöld.
Liverpool vann frábæran 3-1 útisigur á þýsku meisturunum og komust í 8-liða úrslit Meistaradeildarinnar.
Andrew Robertson átti ágætis leik í vinstri bakverðinum en hann er mikilvægur hlekkur í liði Jurgen Klopp.
Robertson var á gulu spjaldi fyrir leikinn í kvöld og nældi sér í annað heimskulegt gult spjald í uppbótartíma.
Hann mun því missa af næsta leik liðsins í 8-liða úrslitunum en óvíst er hvaða lið Liverpool mætir.