Framherjinn Albert Brynjar Ingasonb hefur gert samning við Fjölni í Inkasso-deild karla.
Þetta var staðfest í dag en Alfreð gengur í raðir félagsins frá Fylki þar sem hann lék í mörg ár.
Albert gaf það út nýlega að hann gæti verið á förum en hann skoraði fimm mörk fyrir Fylki síðasta sumar.
Tilkynning Fjölnis:
Fjölnir hefur komist að samkomulagi við Albert Ingason og Fylki um félagaskipti hans í Fjölni.
Albert Brynjar er 33 ára framherji með 286 leiki og 94 mörk á bakinu og þar af 13 Evrópuleiki og eitt mark. Hann hefur spilað m.a. með Fylki, FH og Val. Það er ljóst að þetta er gríðarlegur liðsstyrkur fyrir Fjölni.
Á myndinni má sjá hann ásamt Ásmundi Arnarssyni þjálfara og Árna Hermannssyni formanni knattspyrnudeildar Fjölnis.
Við bjóðum Albert Brynjar hjartanlega velkominn í Grafarvoginn og væntum mikils af honum í framtíðinni.
