Sergio Ramos, leikmaður Real Madrid, hefur verið dæmdur í tveggja leikja bann í Meistaradeildinni.
Ramos nældi sér í viljandi gult spjald gegn Ajax fyrr í mánuðinum og átti að taka út leikbann í seinni leik liðanna.
Real vann fyrri leikinn 2-1 í Hollandi og vildi Ramos frekar missa af seinni leiknum frekar en af leik í 8-liða úrslitum.
UEFA tekur þessa hegðun ekki í sátt og hefur dæmt Ramos í tveggja leikja bann.
Hann mun því missa af seinni leiknum gegn Ajax sem og fyrri leiknum í 8-liða úrslitum ef Real kemst áfram.
