Markmaðurinn Aron Elí Gíslason hefur krotað undir nýjan samning við KA en þetta staðfesti félagið í gær.
Aron er 20 ára gamall og þykir mikið efni en hann gerir þriggja ára samning við uppeldisfélagið.
Aron lék alls 10 leiki með KA í Pepsi-deildinni síðasta sumar og er orðinn hluti af U21 landsliði Íslands.
Tilkynning KA:
Aron Elí Gíslason hefur skrifað undir nýjan þriggja ára samning við Knattspyrnudeild KA. Aron Elí sem verður 21 árs á árinu er gríðarlega öflugur markvörður og er uppalinn hjá KA. Það er ljóst að þetta eru gífurlega jákvæðar fréttir fyrir félagið.
Á síðasta sumri lék Aron alls 10 leiki með KA í Pepsi deildinni og hélt hreinu í tveimur þeirra. Þá hefur hann unnið sér sæti í U-21 árs landsliði Íslands og lék meðal annars með liðinu er það lék í Kína fyrir skömmu.
