Gary Neville, goðsögn Manchester United, segir að það séu fjórir eða fimm leikmenn sem vilji komast burt frá félaginu.
Það eru nokkrir leikmenn sem eru orðaðir við brottför frá United og fá ekki að spila undir Ole Gunnar Solskjær.
Nefna má leikmenn eins og Matteo Darmian og Marcos Rojo sem fá engar mínútur þessa dagana.
Þá er talað um að Paul Pogba vilji komast annað en hann gaf það sterklega í skyn í sumar.
,,Það eru fjórir eða fimm leikmenn sem vilja ekki vera þarna,“ sagði Neville við Sky Sports.
,,Hann þarf að losa sig við nokkra á þessu ári og svo nokkra aðra á næsta ári.“