David de Gea, markvörður Manchester United, er af mörgum talinn einn besti markmaður heims.
De Gea var um tímabil aðalmarkvörður spænska landsliðsins eftir að Iker Casillas hætti að leika með landsliðinu.
Hann á hins vegar ekki lengur fast sæti í byrjunarliði Spánar að sögn landsliðsþjálfarans, Robert Moreno.
Moreno tjáði sig um markmannastöðuna í dag en hann segir að De Gea sé ekki endilega markmaður númer eitt.
Kepa Arizabalaga, markvörður Chelsea, hefur verið í markinu í undanförnum leikjum liðsins.
Moreno segir að samkeppnin sé hörð og gæti Pau Lopez, markvörður Roma, einnig fengið tækfifæri til að sanna sig.
