Gary Neville, fyrrum leikmaður Manchester United, hefur útilokað það að snúa aftur í þjálfun.

Neville var þjálfari Valencia á Spáni tímabilið 2015-2016 en hann entist í aðeins fjóra mánuði hjá félaginu.

Neville er þakklátur fyrir reynsluna en ætlar ekki að snúa aftur á æfingasvæðið.

,,Það er ekki einn partur af mér sem vaknar og hugsar með sér: ‘ég vil vera á æfingasvæðinu núna,’ sagði Neville.

,,Ég reyndi fyrir mér í þjálfun hjá Valencia og það var örugglea ein besta reynsla sem ég hef upplifað.“

,,Ég elska fótbolta hliðina. Ég elska að horfa á leiki en ég vil bara ekki vera á æfingasvæðinu. Ég er búinn að upplifa það í lífinu og nú vil ég horfa fram veginn.“