Mohamed Salah, leikmaður Liverpool, telur að Pep Guardiola hafi logið að blaðamönnum í apríl.
Guardiola ræddi við blaðamenn eftir að City datt úr leik í Meistaradeildinni og sagði að enska úrvalsdeildin væri keppni sem hann vildi frekar vinna.
Salah telur að það sé ekki rétt og að Guardiola langi verulega að vinna deild þeirra bestu.
,,Ég vissi ekki að Guardiola hefði sagt það en ef hann mætti velja eina keppnina þá myndi hann velja Meistaradeildina,“ sagði Salah.
,,Það er mín skoðun. Ég er ekki að tala um hann, þetta er bara mín skoðun. Það er stærsta keppni fótboltans svo allir vilja vinna hana.“