Davíð Þór Viðarsson, fyrirliði FH, gat brosað í kvöld eftir leik við KR í undanúrslitum Mjólkurbikarsins.
Davíð og félagar unnu 3-1 heimasigur á KR og munu spila við annað hvort Breiðablik eða Víking R. í úrslitum.
,,Þetta var mjög sætt. Þetta var bara vel spilaður leikur af okkar hálfu og heilt yfir sanngjarnt,“ sagði Davíð við Stöð 2 Sport.
,,Ég veit ekki af hverju við erum að vakna núna, við höfum verið að finna taktinn. Þetta er frábær spurning sem ég hef engin svör við.“
,,Það er eitt lið eftir og við ætluðum að komast í úrslit, okkar raunhæfasti möguleiki á titli. Ég er ánægður með að komast þangað og svo bara 15. september þá vinnum við fimmta Pepsi Max-deildarliðið.“