Scott Brown, fyrirliði Celtic, er mjög hrifinn af bakverðinum Kieran Tierney sem var hjá félaginu á síðustu leiktíð.
Tierney ákvað að taka stóra skrefið í sumar og skrifaði undir samning við Arsenal á Englandi.
Arsenal reyndi lengi að fá Tierney og kostaði hann félagið 25 milljónir punda.
Brown telur að Tierney sé nógu góður til að spila fyrir lið á borð við Barcelona.
,,Þú veist ekki hvað gerist. Hann gæti átt tvö frábær tímabil og endað hjá Barcelona eða PSG,“ sagði Brown.
