David Beckham, eigandi Inter Miami, er sagður vera að semja við stórstjörnu fyrir næstu leiktíð.
Inter Miami er nýtt félag í Bandaríkjunum en liðið mun hefja keppni í MLS-deildinni á næsta ári.
Beckham er enn að vinna í því að fá leikmenn til félagsins og er að skoða nokkur stór nöfn.
Úrúgvæski blaðamaðurinn Alvaro Izquierdo segir að Beckham sé nú að semja við Edinson Cavani.
Cavani verður 33 ára gamall í febrúar á næsta ári en hann á eitt ár eftir af samningi sínum við Paris Saint-Germain.
Það er ekki líklegt að Cavani framlengi samning sinn við PSG og gæti hann verið á leið til Miami.