Jurgen Klopp, stjóri Liverpool, er tilbúinn að selja varnarmanninn Dejan Lovren í þessum glugga.

Lovren er fjórði í röðinni undir Klopp en þeir Joel Matip, Joe Gomez og Virgil van Dijk eru allir á undan honum.

Króatinn er því sjálfur opinn fyrir því að fara annað og er Klopp reiðubúinn að samþykkja það vegna unglingsins Ki Jana Hoever.

Klopp hefur trú á því að Hoever geti verið fjórði hafsent Liverpool á tímabilinu þrátt fyrir að vera bara 17 ára gamall.

Hoever hefur nú þegar spilað fyrir aðallið Liverpool en hann kom við sögu gegn Wolves í FA bikarnum í janúar.

Hann spilaði einnig með liðinu á undirbúningstímabilinu og er Klopp tilbúinn að treysta honum fyrir hlutverki.