Hakim Ziyech hefur skrifað undir nýjan samning við Ajax en hann var frábær á síðustu leiktíð.
Ziyech var sterklega orðaður við brottför í sumar en Sevilla reyndi að fá hann – það gekk ekki upp.
Bayern Munchen sýndi leikmanninum einnig áhuga en tók einfaldlega of langan tíma.
,,Ég nýt þess mikið að spila fyrir Ajax, það er gott að halda áfram hérna,“ sagði Ziyech.
,,Ég er viss um að Sevilla sé gott félag en það þarf allt að vera rétt ef ég á að færa mig um set.“
,,Ég fékk ekki þá tilfinningu fyrir Sevilla og vil frekar spila áfram fyrir Ajax.“
,,Ég hefði getað beðið eftir Bayern Munchen en mér fannst rétt að koma stöðunni á hreint fyrir mig og Ajax.“
,,Ef það er eitthvað félag sem vildi mig þá hefðu þeir átt að gera eitthvað í því.“