Framherjinn Vincent Janssen er farinn frá Tottenham en þetta var staðfest nú rétt í þessu.
Janssen er 25 ára gamall sóknarmaður en hann var keyptur til Tottenham frá AZ Alkmaar árið 2016.
Hann skoraði 27 mörk í 34 deildarleikjum í Hollandi og borgaði Tottenham 20 milljónir evra fyrir hans þjónustu.
Janssen stóðst aldrei væntingar hjá félaginu og var lánaður til Fenerbahce árið 2017 þar sem hann gerði fjögur mörk.
Hollendingurinn hefur nú skrifað undir samning við Monterrey en það lið leikur í mexíkósku úrvalsdeildinni.
Janssen tekur því ansi athyglisvert skref en hann á að baki 17 landsleiki fyrir Holland og hefur skorað í þeim sjö mörk.
