Joris Gnagnon, leikmaður Sevilla, var mjög áhyggjufullur í gær eftir leik við Liverpool í Boston.
Gnagnon fékk beint rautt spjald í 2-1 sigri á Liverpool fyrir fáránlegt brot á hinum unga Yasser Larouci.
Gnagnon sparkaði þennan 18 ára gamla leikmann niður seint í leiknum og reyndi aldrei við boltann.
Julen Lopetegui, stjóri Sevilla, segir að Gnagnon hafi séð mikið eftir brotinu.
,,Gnagnon var mjög, mjög áhyggjufullur og veit að meiðslin hefðu getað verið alvarleg,“ sagði Lopetegui.
,,Ég hef áhyggjur af leikmanninum en Jurgen Klopp sagði að hann væri í lagi, ég er ánægður með það.“