James Milner, leikmaður Liverpool, hefur ekkert heyrt frá félaginu varðandi framlengingu á samningi hans.

Milner er 33 ára gamall í dag en hann verður samningslaus næsta sumar og má þá semja frítt við annað félag.

Milner ræddi við Liverpool varðandi framlengingu í fyrra en þá var áhuginn ekki til staðar.

,,Staðan er sú að við ræddum við félagið á síðasta ári og spurðum hvort þeir myndu vilja gera eitthvað. Þeir svöruðu neitandi,“ sagði Milner.

,,Við höfum ekki heyrt neitt síðan þá, þannig er staðan. Það eina sem ég get gert er að einbeita mér að fótboltanum.“