Varnarmaðurinn Filipe Luis hefur skrifað undir samning við Flamengo í heimalandinu Brasilíu.
Þetta var staðfest í gær en þessi 33 ára gamli leikmaður gerir tveggja ára samning við félagið.
Luis er þekktastur fyrir tíma sinn hjá Atletico Madrid en stoppaði einnig stutt hjá Chelsea á Englandi.
Paris Saint-Germain og Wolves sýndu Luis áhuga í sumar en hann ákvað að enda ferilinn í Brasilíu.
Luis spilaði alls 333 leiki fyrir Atletico á ferlinum og vann sjö titla með félaginu.