Miðjumaðurinn Dani Ceballos mun líklega fara í læknisskoðun á morgun miðað við fregnir kvöldsins.
Ceballos hefur lengi verið orðaður við Arsenal en hann kemur til félagsins á láni frá Real Madrid.
Ceballos kom til Real frá Real Betis árið 2017 og hefur síðan þá spilað 35 deildarleiki fyrir félagið.
Real vildi losna við leikmanninn í sumar á láni en hann er 22 ára gamall og hefur spilað sex landsleiki fyrir Spán.
Ceballos skrifar undir samning út tímabilið og reynir fyrir sér á Englandi í fyrsta sinn.