Forseti franska félagsins Saint-Etienne hefur staðfest það að William Saliba sé á leið til Arsenal.
Saliba hefur verið orðaður við Arsenal í allt sumar en Tottenham sýndi leikmanninum líka áhuga.
Bernard Caiazzo, forseti Saint-Etienne, ræddi við blaðamenn í dag og staðfesti þar brottför Saliba.
Varnarmaðurinn mun gera langtímasamning við Arsenal en leikur ekki á Englandi á næstu leiktíð.
Saliba mun spila með Saint-Etienne á láni á næstu leiktíð en hann er ennþá aðeins 18 ára gamall.
Enska félagið borgar 27 milljónir punda fyrir þennan efnilega leikmann.