Það kemur ekki til greina fyrir Ole Gunnar Solskjær að senda hinn unga Mason Greenwood á lán í sumar.
Greenwood er 17 ára gamall leikmaður Manchester United og skoraði eina markið í 1-0 sigri á Inter Milan í gær.
Greenwood er talinn gríðarlegt efni og ætlar Solskjær að gefa honum tækifæri í vetur.
,,Það hefur aldrei hvarflað að mér að lána Mason. Við verðum að halda honum hérna,“ sagði Solskjær.
,,Það er gott fyrir hann og eins og er þá líður honum vel. Hann minnir mig svolítið á sögu Ryan Giggs.“
,,Þú getur ekki sent hann á lán því hann er tilbúinn að spila fyrir aðalliðið.“