Carlos Vela, leikmaður Los Angeles FC, segist vera betri leikmaður en Zlatan Ibrahimovic í dag.
Zlatan sagði á dögunum að hann væri langbesti leikmaður MLS-deildarinnar þrátt fyrir að vera orðinn 37 ára gamall.
Svíinn stóð við stóru orðin í gær en hann skoraði þá þrennu í 3-2 sigri LA Galaxy gegn Los Angeles.
Vela skoraði bæði mörk Los Angeles í leiknum og var spurður út í ummæli Zlatan eftir leikinn.
,,Að bera okkur saman væri vanvirðing við hann en ef við horfum á tölfræðina, gleymið aldrinum og því, þá er ég betri en hann í dag. Það er raunveruleikinn,“ sagði Vela.