Gareth Bale, leikmaður Real Madrid, er meira en velkominn til Bayern Munchen segir leikmaður liðsins, Thiago Alcantara.
Bale er orðaður við brottför þessa dagana en Zinedine Zidane vill selja hann frá félaginu í sumar.
Bale er sjálfur sáttur í Madríd og við þau laun sem hann fær en Bayern þarf á nýjum vængmanni að halda eftir brottför Arjen Robben og Franck Ribery.
,,Dyrnar eru opnar,“ sagði Thiago á blaðamannafundi fyrir leik gegn Real í gær.
,,Robben, Ribery og Bale spila svipaðar stöður. Við höfum misst Robben og Ribery sem eru sögufrægir leikmenn hérna.“
,,Ef Gareth Bale vill koma eða einhver toppleikmaður þá eru þeir velkomnir.“