Tveir leikmenn hafa greint frá því að þeir séu hættir að leika með landsliði Nígeríu eftir Afríkukeppnina í sumar.
Goðsögn þjóðarinnar, John Obi Mikel, gaf það út á dögunum að hann væri búinn að leggja landsliðsskóna á hilluna.
Mikel lék með Nígeríu í keppninni í sumar en liðið hafnaði í þriðja sæti mótsins.
Nú hefur sóknarmaðurinn Odion Ighalo gert það sama en hann hefur leikið sinn síðasta landsleik.
Ighalo er þrítugur framherji en hann var markahæstur á mótinu í sumar með fimm mörk.
Ighalo lék sinn fyrsta landsleik árið 2015 og spilaði alls 35 leiki og gerði í þeim 16 mörk.
