Manchester City tapaði leik gegn Wolves á undirbúningstímabilinu í dag en leikið var í Shanghai í Kína.
Það var ekki boðið upp á frábæra skemmtun á Hongkou vellinum en engin mörk voru skoruð.
Raheem Sterling fékk gullið tækifæri til að koma City yfir snemma leiks en hann klikkaði þá á vítaspyrnu.
Úrslitin þurftu að ráðast í vítakeppni og þar hafði Wolves betur, 3-2. Þeir Ilkay Gundogan, David Silva og Lukas Nmecha klikkuðu á spyrnum fyrir City.
Manchester United spilaði þá við lið Inter Milan en sá leikur fór fram í Singapor.
Eitt mark var skorað í þeim leik en það gerði hinn ungi Mason Greenwood fyrir þá ensku í seinni hálfleik.